Fyrirlestur um takmörkun háværðar

Efni fyrirlesturs

Á fyrirlestrinum verður farið yfir helstu hugtök og forsendur án þess að fara út í tæknina sjálfa. Fyrir þeim sem ekki eru beintengdir tæknivinnslu en þurfa að vita um hvað málið snýst.

Enska orðið „Loudness“ er oftast notað til að lýsa upplifum fólks af hávaða. Þessi upplifun fer oft ekki saman við mælingar á hljóðstyrk þar sem við mannfólkið erum oft mun næmari fyrir meðaltalshljóðstyrk en hæsta mælda hljóðstyrk sem gæti hafa staðið yfir í mjög stuttan tíma.

Margar aðferðir hafa verið þróaðar til þess að uppgefin gildi hljóðstyrks séu í samræmi við upplifun fólks.  R 128 Loudness staðallinn hefur nú fest sig í sessi í Evrópu og eru mörg lönd búin að setja skilyrði fyrir því að allt efni sem framleitt er fyrir fjölmiðla fylgi þeim staðli. 

Nú um nokkurt skeið hefur verið unnið að því að staðallinn verði einnig tekinn upp hér á landi og margir fjölmiðlar farnir að setja það sem skilyrði fyrir viðtöku á nýju efni. Líkur eru á að mælst verði til þess á landsvísu að svo verði gert áður en langt er um liðið.

Í framhaldi af fyrirlestrinum efnir Rafiðnaðarskólinn í samstarfi við Félag tæknifólks í Rafiðnaði, Félag kvikmyndgerðarfólks, RÚV og Exton o.fl. til námskeiða og fyrirlestra til að flýta fyrir samræmdum vinnubrögðum í vinnslu og útsendingu efnis á ljósvakamiðlunum.

Fyrirlesari er Florian Camerer frá ORF í Austurríki.  Florian er formaður fagnefndar EBU sem bjó til R-128 staðalinn og heldur námskeið um „Loudness“ og „Surround“ mál vítt og breytt um Evrópu.

Fyrirlesturinn er á ensku. 

Fyrir hverja

Fyrirlesturinn hentar öllum þeim sem aðkomu hafa að efnisvinnslu og efnisöflun fyrir ljósvakamiðlana og aðra rafræna miðlun.  Tónlist, auglýsingar, sjónvarpsþættir og bíómyndir er allt efni sem mun á einhverjum tímapunkti vera á öldum ljósvakamiðlanna eða í dreifingu á netinu.  Dæmi um þá sem eiga erindi á fyrirlesturinn eru sölumenn auglýsinga, útgefendur tónlistar, stjórnendur og fleiri.

Tilvitnun í umfjöllun EBU um loudness mál

“It cannot be emphasized enough that loudness metering and loudness normalization signify a true audio levelling revolution. This change is vital because of the problem which has become a major source of irritation for television and radio audiences around the world; that of the jump in audio levels at the breaks in programs, between programs and between channels.

The loudness-levelling paradigm affects all stages of an audio broadcast signal, from production to distribution and transmission. Thus, the ultimate goal is to harmonize average audio loudness levels to achieve an equal universal loudness level for the benefit of the listener.”

 

Aðgangur er ókeypis, fyrirlesturinn fer fram í sal Rafiðnaðarskólans á 1 hæð Stórhöfða 27.

Skráning hér fyrir neðan!

Dagsetning Kennslutími
03.10.2017 12:00-13:00 Skráning