Í byrjun október bíður Rafiðnaðarskólinn upp á fræðslu um háværð (e. Loudness ) í fjölmiðlun og innleiðingu vinnulags og mæliaðferða byggða á R128 staðli EBU.
Sumir fjölmiðlar á Íslandi eru farnir að gera kröfu um að allt efni sem þeim berst fari eftir þessum staðli og líkur eru á að formleg innleiðing á landsvísu hefjist innan skamms. Það er því mikilvægt að allir þeir sem að vinnslu og dreifingu efnis sem inniheldur hljóð hvort sem það er fyrir ljósvakamiðlana eða á netinu kunni skil á helstu forsendum háværðar í fjölmiðlun.
Hádegisfyrirlestur
3. október verður hádegisfyrirlestur þar sem helstu hugtök eru skýrð og rædd án þess að farið sé í tæknilegu hlið mála.
Námskeið
4., 5. og 6. október verður sama einsdags námskeiðið keyrt þrisvar sinnum svo allir sem vinna að vinnslu, útsendingu og annari dreifingu efnis hafi tækifæri á að taka þátt.
Vinnustofa í samstarfi við RÚV
7. október verður svo "workshop" í samstarfi við RÚV haldin í Stúdíó 12 hjá RÚV í Efstaleiti. Þar gefst þeim sem hljóðblanda efni fyrir dreifingu til fjölmiðla kostur á að prófa, ræða og skoða nánar þau verkfæri sem rætt hefur verið um á námskeiðinu dagana á undan.
Stórhöfða 27 • 110 Reykjavík • Sími: 540-0160 • rafmennt@rafmennt.is • Kt. 590104-2050